យោងតាម The Nation Thai. មុននេះបន្តបានផ្សាយថា តុលាការធម្មនុញ្ញបានសម្រេចបណ្តេញលោកនាយករដ្ឋមន្ត្រី Paetongtarn Shinawatra ចេញពីតំណែង បន្ទាប់ពីមានការបែកធ្លាយតាមទូរស័ព្ទជាមួយ សម្តេចតេជោ ហ៊ុន សែន ប្រធានព្រឹទ្ធសភាកម្ពុជា។
គណៈរដ្ឋមន្ត្រីទាំងមូលក៏នឹងត្រូវបណ្តេញចេញពីតំណែងផងដែរតាមរដ្ឋធម្មនុញ្ញ។ សភានឹងប្រជុំជ្រើសរើសមេដឹកនាំថ្មីរបស់ថៃ។
តុលាការបានបញ្ជាក់ថា ខណៈដែលមិនមានភាពទុច្ចរិតជាក់ស្តែង ការចរចារបស់លោកនាយករដ្ឋមន្ត្រីជាមួយសម្តេចតេជោ ហ៊ុន សែន ដូចមានរៀបរាប់ក្នុងឃ្លីបសំឡេងនោះ បរាជ័យក្នុងការការពារផលប្រយោជន៍ជាតិ ហើយបានដាក់ផលប្រយោជន៍សម្តេចតេជោ ហ៊ុន សែន លើសផលប្រយោជន៍ជាតិ។
នេះត្រូវបានគេចាត់ទុកថាជាការបំពានយ៉ាងធ្ងន់ធ្ងរលើបទដ្ឋានសីលធម៌ដែលនាំឱ្យនាងបាត់បង់សិទ្ធិ។
