ស្នងការនគរបាលខេត្តបាត់ដំបង ដឹកនាំកិច្ចប្រជុំបូកសរុបលទ្ធផលការងារ៩ខែ ឆ្នាំ២០២៥ និងទិសដៅបន្ត ព្រមទាំងផ្សព្វផ្សាយផែនការរបស់អគ្គស្នងការដ្ឋាននគរបាលជាតិ
ខេត្តបាត់ដំបង៖ នៅព្រឹកថ្ងៃសុក្រ ទី៥ ខែកញ្ញា ឆ្នាំ២០២៥ ស្របតាមអនុសាសន៍ដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ លោកឧត្តមសេនីយ៍ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង បានអញ្ជើញដឹកនាំកិច្ចប្រជុំបូកសរុបសភាពការណ៍ លទ្ធផលការងាររយៈពេល៩ខែ ឆ្នាំ២០២៥ និងលើកទិសដៅបន្ត របស់ស្នងការដ្ឋាននគរបាលខេត្តបាត់ដំបង និងផ្សព្វផ្សាយផែនការរបស់អគ្គស្នងការដ្ឋាននគរបាលជាតិ។
កិច្ចប្រជុំនេះដែរ មានការអញ្ជើញចូលរួមពីលោក លោកស្រីស្នងការរង នាយ នាយរង ការិយាល័យជំនាញ មេបញ្ជាការមេបញ្ជាការរងវរសេនាតូចនគរបាលការពារព្រំដែនគោក អធិការ អធិការរងនគរបាលក្រុង ស្រុក និងមន្រ្តីពាក់ព័ន្ធជាច្រេីនរូប។
នៅចុងបញ្ចប់នៃកិច្ចប្រជុំលោកឧត្តមសេនីយ៍ទោស្នងការ បានប្រគល់ជូននូវឯកសណ្ឋានបម្រើឱ្យការងារអគ្គិភ័យ ដើម្បីមន្រ្តីបានស្លៀកពាក់ប្រើប្រាស់នៅបណ្តាអធិការដ្ឋាននគរបាលស្រុកចំនួន០៥ ជាអាទិភាពមុន ហើយស្រុកផ្សេងទៀតលោកនឹងចែកប្រគល់ជូននៅពេលក្រោយ៕
