អន្ទាក់សត្វជាច្រើនខ្សែ ត្រូវបានកម្លាំងឧទ្យានុរក្សរកឃើញ និងសាចេញពីតាមព្រៃនានាក្នុងភូមិសាស្ត្រខេត្តកោះកុង។ ក្រៅពីការដើរសាអន្ទាក់ហើយនោះ មានសត្វព្រៃនានា ត្រូវបានកម្លាំងឧទ្យានុរក្សបានជួបប្រទះជាប់អន្ទាក់ និងក្រុមព្រានព្រៃចាប់ជាដើម ត្រូវបានជួយរំដោះជាបន្តបន្ទាប់។
ដើម្បីជាចំណែកអនុវត្តនូវនយោបាយរបស់រាជរដ្ឋាភិបាលក្នុងអភិរក្ស និងការពារសត្វព្រៃ ក្រៅពីការផ្សព្វផ្សាយអប់រំដល់ប្រជាពលរដ្ឋហើយនោះ កងកម្លាំងឧទ្យានុរក្សតែងចុះធ្វើសកម្មភាពល្បាតក្នុងព្រៃជាប់ជាប្រចាំ ដើម្បីបង្ក្រាប និងទប់ស្កាត់រាល់បទល្មើសនានា។
សូមរួមគ្នាការពារសត្វព្រៃ ឈប់ចាប់ ឈប់ជួញដូរ និងបរិភោគសាច់សត្វព្រៃ។ ចាប់ ជួញដូរ និងបរិភោគសាច់សត្វព្រៃ ជាទង្វើខុសច្បាប់។
