តំបន់ប្រតិបត្តិការសឹករង មណ្ឌលគិរីប្រារព្ធពិធីប្រគល់សេចក្តីសម្រេចដំឡេីង ឋានន្តរសក្ដិ និងផ្លាស់ប្តូរមុខងារតួនាទី ភារកិច្ច ជូនដល់នាយ-ពលទាហាន
ខេត្តមណ្ឌលគិរី៖ នៅថ្ងៃទី០៤ ខែកញ្ញា ឆ្នាំ២០២៥ ឯកឧត្តម ឧត្តមសេនីយ៍ទោ សាន គឹមអឿន មេបញ្ជាការ តំបន់ប្រតិបត្តិការសឹករង មណ្ឌលគិរី យោធភូមិភាគទី១ អញ្ជើញជាអធិបតីក្នុងពិធីប្រគល់សេចក្តីសម្រេចដំឡេីង ឋានន្តរសក្ដិ និងផ្លាស់ប្តូរមុខងារតួនាទី ភារកិច្ច ជូនដល់នាយទាហាន នាយទាហានរង ចំនួន ២៥ រូប តំបន់ប្រតិបត្តិការសឹករងមណ្ឌលគិរី យោធភូមិភាគទី១ នៅទីបញ្ជាការ តំបន់ប្រតិបត្តិការសឹករងមណ្ឌលគិរី។
ឧត្តមសេនីយ៍ទោ សាន គឹមអឿន បានថ្លែងការកោតសរសើរជាខ្លាំងដល់ការខិតខំរបស់នាយទាហាន នាយទាហានរង និងពលទាហានទាំងអស់ ដែលកន្លងមកសម្រេចភារកិច្ចបានយ៉ាងល្អប្រសើ និងបានកសាងស្នាដៃជាច្រើជូនដល់អង្គភាព ជាពិសេសការខិតខំការពារអធិបតេយ្យភាព បូរណភាពទឹកដី និងប្រជាជន ពីការឈ្លានពានរបស់សត្រូវ ។
ឧត្តមសេនីយ៍ទោ សាន គឹមអឿន មានប្រសាសន៍ផ្តាំផ្ញើរដល់នាយទាហាន នាយទាហានរង ដែលទើបតែទទួលបានមុខងារតួនាទី និងភារកិច្ចថ្មីនាពេលនេះ ត្រូវខិតខំប្រឹងប្រែងយកចិត្តទុកដាក់ពង្រឹងសមត្ថភាព បង្កើនចំណេះដឹងបន្ថែម អនុវត្តការងារឲ្យបានម៉ឺងម៉ាត់ ហ្មត់ចត់ ដើម្បីធ្វើឲ្យអង្គភាពមានការអភិវឌ្ឍន៍រីកចំរើន បន្តដឹកនាំសហការសាមគ្គីផ្ទៃក្នុងប្រកបដោយប្រសិទ្ធភាពខ្ពស់ និងសម្រេចបាននូវសា្នដៃល្អៗជូនអង្គភាព។ ត្រូវស្មោះត្រង់ចំពោះជាតិ សាសនា ព្រះមហាក្សត្រ និងស្មោះត្រង់ការពាររាជរដ្ឋាភិបាលស្របច្បាប់ ដែលប្រសូត្រចេញពីការបោះឆ្នោតដ៏ត្រឹមត្រូវយុត្តិធម៌ ដែលមានសម្តេចមហាបវរធិបតី ហ៊ុន ម៉ាណែត ជាប្រមុខដឹកនាំដ៏ឈ្លាសវ៉ៃ ៕
